மின்னல் என்ற புன்னகையால்

மின்னல் இடியுடன் கூடிய மழை பொழியுமாம் இன்று
தொலைகாட்சியில் ஒளிபரப்புகிறார்கள்
எனக்குத்தான் முன்னமே தெரியுமே..
இன்று நீ என்னை பார்த்து முதன்முதலாய்
புன்னகைத்த போதே!

வாழ்க்கையடி நீ எனக்கு

காதலினால்
உன்னையே சுற்றி வருவதால் - வாழ்க்கையில்
முன்னேற மாட்டேனாம் நான் .,
அவர்களக்கு எப்படித் தெரியும் - என்
வாழ்க்கையே நீதான் என்று

காதலும் மழையும்

உனக்கு மழையில் நனைய பிடிக்கும் என்றாய்
நனைந்துதான் பாரேன் என்றேன்
"வேண்டாம்பா நனைந்தால் ஜுரம் வரும்" என்றாய் மழலைக் குரலில்
ஏனோ எனக்கு --
நீ ஏற்க மறுத்த என் காதல்தான் நினைவுக்கு வந்தது